Xitoy hukumati korrupsiyada ayblanayotgan va xorijda yashirinayotgan mansabdorlardan 2014—2016-yillarda noqonuniy tarzda o‘zlashtirilgan 8,54 milliard yuan (1,2 milliard dollar) hajmidagi mablag‘larni musodara qildi, deya xabar bermoqda “TASS” hukumatning korrupsiyaga qarshi kurashga oid ma’ruzasiga tayanib.
Rasmiy hujjatga ko‘ra, 2016-yil davomida XXR hukumatining barcha eshelonlarida “chirkin elementlar”ga qarshi kurash kuchayishda davom etgan: o‘tgan yanvar—avgustda hukumat 26 ming nafar amaldorlarga nisbatan ish qo‘zg‘agan va hibsga olgan, bu butun 2013-yildagi ko‘rsatkichdan ham ko‘proqdir.
Ma’ruzaga muvofiq, xitoylik mansabdorlarning 90 foizga yaqini XXR oliy rahbariyatining davlat organlarida qonunbuzarliklar va vakolatlar suiiste’moliga nuqta qo‘yish bo‘yicha shafqatsiz hukumat choralariga ishonch bildirgan.
Izoh (0)