“Titanik” halokatiga aysberg bilan to‘qnashuv emas, uning bortida avvalroq sodir bo‘lgan alangalanish asosiy sabab bo‘lishi mumkin. Bu haqda “TASS” xabar bermoqda.
The Independent nashriga ko‘ra, ekspertlarning yangi ma’lumotlari kemada mash’um reysdan uch hafta oldin jiddiy yong‘in ro‘y berganini ko‘rsatmoqda. Fojiani o‘rganishga 30 yil sarflagan jurnalist Shenan Moloni Belfastdagi kemasozlik korxonasida olingan kema suratlarida “Titanik” korpusidagi qora dog‘larni aniqladi. Ekspertlar mazkur dog‘lar yoqilg‘i ombori ichidagi alangalanishdan darak berishini tasdiqladi.
“Yong‘in tufayli kema qoplamasi Selsiy bo‘yicha 1000 darajagacha qizigan va uni o‘ta zaif holatga keltirgan. Shu sababli korpus aysberg bilan to‘qnashuvga dosh bermagan”, — deya ma’lum qildi jurnalist.
Layner rahbariyati yong‘in haqida yo‘lovchilarga gapirishni man etgani ta’kidlanmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)