Amerikalik xonanda Janet Jekson ilk marotaba ona bo‘ldi. 50 yoshli xonanda 3-yanvar, seshanba kuni o‘g‘il farzandni dunyoga keltirdi. Bu haqda “Vesti.ru” nashriga tayanib, “Darakchi.uz” xabar berdi.
Janet Jekson va uning turmush o‘rtog‘i Vissam al-Mana o‘g‘illari Issa al-Mananing dunyoga kelishini intizorlik bilan kutgan edi.
“Ayni paytda ona va bolaning ahvoli qoniqarli. Ular shifokorlar nazorati ostida”, — deyiladi xabarda.
Janet Jekson 2012-yilda qatarlik tadbirkor Vissam al-Mana bilan turmush qurgan edi. Uning homiladorligi may oyida ma’lum bo‘lgan edi.
Janet Jekson — 2009-yilda vafot etgan pop musiqa qiroli Maykl Jeksonning singlisi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)