O‘zbekiston hukumati “Qamchiq” dovoni orqali yuk avtomobillarining ba’zi turlari bilan yuklarni olib o‘tishga taqiq qo‘ymoqchi, deb yozadi UzDaily. Vazirlar Mahkamasining “‘Avtomobil transporti bilan ‘Qamchiq’ dovoni orqali yuk olib o‘tishni tartibga solish chora-tadbirlari to‘g‘risida’gi qaroriga o‘zgartirishlar kiritish haqida”gi qarori loyihasi O‘zbekiston Respublikasi normativ huquqiy hujjatlarining muhokamasi portaliga joylandi.
“‘Qamchiq’ dovoni orqali ekspluatatsiya muddati 25 yil va undan ko‘proq bo‘lgan yuk avtomobillari va shatakchi avtomobillar orqali yuklar olib o‘tish 2017-yil 1-yanvardan taqiqlansin”, — deyiladi qaror loyihasida.
Shuningdek, bitta yetaklovchi o‘qqa 11,5 tonna, ikkitalik o‘qqa 20 tonnadan ortiq yuk to‘g‘ri keladigan avtotransport vositalari bilan “Qamchiq” dovonidan yuk olib o‘tishni 2017-yil 1-iyuldan man qilish taklif etilgan.
Izoh (0)