Britaniyalik bayram sharafiga uysizlar uchun elektr bilan jihozlangan, harakatlanadigan boshpana qurib berdi

Britaniyalik Mark Byorjess Rojdestvo sharafiga uysiz odamlar bayramni issiqda kutib olishi uchun elektr, yong‘in signalizatsiyasi va qulfi bo‘lgan harakatlanuvchi boshpana qurib berdi. Bu haqda Metro nashri ma’lum qilmoqda, deb yozadi TJournal.

Byorjess qurilish kompaniyasida ishlaydi. Unga 350 funtga tushgan boshpanani qurib bo‘lgandan so‘ng, Mark 25-dekabr, Rojdestvo arafasida bayramni boshpanada kutib olishni taklif qilish uchun uysizlarni qidirib ko‘chaga chiqdi. U yerda Byorjiss ikki daydi: Sion va Sherri hamda ular bilan yashovchi Taff laqabli it bilan tanishib qoldi.

Daydilar to‘xtash uchun joy topganda boshpana harakatlanishi uchun qo‘yilgan g‘ildiraklarni yechib qo‘yish mumkin. Xona ichkarisida havo yaxshi almashadi, viklyuchatel, yong‘in trevogasi va narsalarini qoldirib ketish uchun qulf bor.

Dastlab boshpana yolg‘iz daydilar uchun mo‘ljallangan bo‘lsa-da, Byorjess Sion va Sherriga bayramni boshanada o‘tkazishni taklif qildi. Bunday taklifdan Sionning boshi ko‘kka yetdi va sevgan qiziga keyingi Rojdestvoni ko‘chada kutib olmaslikka va’da berdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.