Belgiya qirollik futbol assotsiatsiyasi mamlakatning 2016-yildagi eng yaxshi futbolchisi deb, Dris Mertensni topdi. Bu haqda “Futbol Kulichki” nashri xabar berdi.
Italiyaning “Napoli” klubi sharafini himoya qiladigan Mertens muxlislar tomonidan berilgan ovozlarning 12213 tasini o‘ziniki qilib olgan va Eden Azar, Romelu Lukaku, Radja Nainggolan kabi raqobatchilarini ortda qoldirgan.
“Chelsi” a’zosi Eden Azarga muxlislarning 7856 tasi o‘z ovozini berdi, “Roma” a’zosi Nainggolan esa 2562 ta ovoz yig‘a oldi.
29 yoshli Dris Mertens Italiya A seriyasining yangi mavsumida 16 ta o‘yinda maydonga tushdi va “Napoli” uchun 11 ta gol urishga erishdi. Ayni vaqtda u Mauro Ikardi, Andrea Belotti, Edin Jeko kabi futbolchilardan keyin to‘purarlar poygasida to‘rtinchi bo‘lib turibdi.
Izoh (0)