Rossiya mudofaa vazirligining Tu-154 samolyoti halokatga uchrashi natijasida qurbon bo‘lgan 92 kishidan biri — Aleksandrov nomli ashula va raqs akademik ansambli rahbari Valeriy Xalilovning jasadi topilsa, uning dafn marosimi Vladimir viloyati Kirjach tumanida bo‘lib o‘tadi. Bu haqda hudud vitse-gubernatori Mixail Kolkov ma’lum qildi, deb yozadi “TASS”.
General o‘zini Novinka qishlog‘i yaqinidagi Arxangelsk qabristoniga dafn etishni vasiyat qilgan, u yerga borish yo‘lida uning mablag‘lari hisobiga cherkov qurilgan edi. Hozirda Xalilovning ko‘pchilik qarindoshlari va uning rafiqasi Kirjach tumaniga yetib kelgan, qabristonda uni dafn etish uchun joy ajratildi, viloyat ma’muriyati dafn marosimini o‘tkazish uchun transport ajratishga tayyor.
“Bu yerda Valeriy Mixaylovichning dala-hovlisi bor, akasi va opasi bilan buvisinikiga kelib turardi, shu yerda u o‘sib-ulg‘aydi. So‘nggi marta Xalilov bu yerga 11-dekabr kuni kelgandi”, — dedi kirjachlik o‘lkashunos.
Termiz shahrida 1952-yilda tug‘ilgan dirijor va bastakor, general-leytenant, Rossiya xalq artisti Valeriy Xalilov shu yil aprelida ansambl badiiy rahbari etib tayinlangandi. U “Spass minorasi” xalqaro harbiy-musiqiy festivali rahbari edi.
Izoh (0)