Toshkent metropolitenidagi yo‘nalishlar chizmasi yangilandi. Bu haqda “Daryo” mobil muxbiri ma’lum qildi.
Chizmada “Sergeli” yo‘nalishi ham “qurilayotgan yo‘nalish” nomi bilan paydo bo‘lgan. Yo‘nalish olti bekatdan iborat bo‘lib, “Chilonzor” yo‘nalishiga ulanishini ko‘rish mumkin. Chizmada “Sergeli”dagi bekatlar nomi ko‘rsatilmagan.
Eski tahrirdagi yo‘nalishlar chizmasida “Yunusobod” yo‘nalishining shimoliy qismida uchta — “Fayzulla Xo‘jayev”, “Yunusobod” va “Turkiston” bekatlari qurilayotgani ko‘rsatilgan edi. Yangi chizmada “Fayzulla Xo‘jayev” bekati yo‘q — faqat qolgan ikki bekat qurilayotgani bildirilgan.
“Yunusobod” yo‘nalishining janubiy qismidagi “Bobur”, “To‘qimachi”, “Usmon Nosir”, “Janubiy” bekatlari, eski chizmadagi kabi, yangisida ham “loyihalashtirilayotgan bekatlar” sifatida ko‘rsatilgan.
Eslatib o‘tamiz, Shavkat Mirziyoyev Toshkent metrosining “Yunusobod” yo‘nalishidagi ikki bekatda qurilishni yakunlash, shuningdek, Sergelida yer usti tezyurar metro qurilishini loyihalashtirishni jadallashtirish haqida ko‘rsatma bergan edi.
Ayni vaqtda Yunusobodda ham, Sergelida ham metro qurilishi ishlari olib borilmoqda.Metropolitenning eski rasmiy chizmasi
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)