Bugun,

  • USD 11095.31
  • RUB 173.84
  • EUR 10772.44

Har bir qiz o‘z kamchiliklari haqida yaxshi biladi. Ko‘pincha bu kamchiliklar insonning o‘ziga nisbatan ishonchsizligiga sabab bo‘ladi. Eng ko‘p tarqalgan kamchiliklarga ortiqcha vazn va pastbo‘yni misol qilib keltirish mumkin. Agar sizga bu muammo tanish bo‘lsa va siz hech bo‘lmaganda suratda biroz balandroq bo‘lishni istasangiz, quyidagi tavsiyalar aynan siz uchun!

совет1

Qo‘llar tepaga

Qo‘llaringizni asirga tushgandek ko‘tarishingiz shart emas, albatta. Shunchaki ulardan birini xuddi sochlaringizni to‘g‘rilayotgandek, ko‘zoynagingizni ko‘tarayotgandek yoki ko‘zingizni quyoshdan to‘sayotgandek ko‘taring. Bu usul qomatni uzaytirib, unga 10 santimetrgacha bo‘y qo‘shadi.

совет2

Oyoq uchida turing

Bu anchagina jo‘n maslahat bo‘lishiga qaramasdan, ish beradi! Asosiysi — har ikkala oyoq uchida turib, bo‘yinni cho‘zish kerak emas. Bir oyoqni uchida turib, ikkinchisini biroz bukish (xuddi uzoqdagi biror narsani ko‘rib qolgandek) yaxshiroq natija beradi.

совет3

Yelkalarni to‘g‘ri tutish

Bukchayish bo‘yingizni taxminan 5 santimetrga qisqartiradi. Yelkalarni to‘g‘ri tutish esa — aksincha!

совет4

Oyoqlaringizni chalishtiring

Bor bo‘yingiz bilan suratga tushayotgan bo‘lsangiz bir oyog‘ingizni ikkinchisining old tomoniga qo‘ying. Bu sizga 7—10 santimetr balandroq ko‘rinishga yordam beradi.

совет5

Kamerani pastroq joylashtiring

Agar sizni suratga olayotgan odam cho‘kkalab o‘tirsa, oyoqlaringiz uzunroq, o‘zingiz esa balandroq ko‘rinasiz.

Suratda nozikroq ko‘rinish bo‘yicha yana bir nechta kichik hiylalar:

  • Qora rangdagi kiyimlar qomatni nozikroq ko‘rsatadi. Deyarli barchamizga tanish, biroq juda samarali qoida;
  • Sizdan ancha ozg‘in odamning yonida suratga tushmang, ayniqsa, liboslaringiz o‘xshash bo‘lsa;
  • Kameraga eng yaqin joylashgan odam, suratda eng yirik bo‘lib chiqadi;
  • Oldinga chiqqan qorinni yashirish uchun kiyim qismlari yoki boshqa buyumlardan foydalaning;
  • Belga urg‘u berish uchun qo‘llarni yonboshga qo‘ymaslik zarur.

Omad!

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Dunyo
Vafotidan keyin taqdirlangan Tupak Shakur, Isroil armiyasiga tosh otayotgan falastinlik, pichoqlangan bolalar — 8-iyun suratlari
Qozog‘iston
Qozog‘istonda odamlar orasida Sibir yarasi aniqlandi
Dunyo
BMT Falastinda sodir etilgan urush jinoyatlari uchun Isroilni aybdor deb topdi