Ahmad hoji Qodirov nomli jamoatchilik fondi Suriyaga oziq-ovqat mahsulotlarining navbatdagi yirik turkumini jo‘natdi. Bu haqda Checheniston rahbari Ramzan Qodirov Instagram’dagi sahifasida ma’lum qildi, deya xabar beradi “TASS”.
“Suriyaga oziq-ovqat mahsulotlarining yirik turkumini yuklagan yangi konvoy jo‘natildi. Kolonna 80 tonna yog‘, un, shakar, guruch va boshqa mahsulotlarni olib ketmoqda”, — ta’kidladi Qodirov.
Sentabrda fond as-Suvayda shahridagi qochqinlar lageriga 10 tonna oziq-ovqat mahsuloti yubordi. 7 mingdan ortiq suriyalik maktab o‘quvchisiga kiyim-kechak va o‘quv qurollari berildi.
Shuningdek, Qurbon hayiti bayrami munosabati bilan Damashq, Latakiya, Tartus va Aleppo aholisiga 2,5 mingdan ortiq qo‘y, 100 ta ho‘kiz va 10 ta tuya yetkazildi.