Futbol bo‘yicha Angliya Premyer-Ligasining 17-turi Liverpul derbisi bilan yakuniga yetdi. Mazkur turdan joy olib, shanba va yakshanba kunlari bo‘lib o‘tgan o‘yinlarni keltirilgan havolada ko‘rish mumkin.
Chempionlik uchun da’vogar bo‘lib turgan “Liverpul” klubi turni g‘alaba bilan yakunladi. “Everton”ga qarshi bellashuvning so‘nggi soniyalarida Sadio Mane jamoasiga g‘alaba keltirgan golga mualliflik qildi.
17-turdan keyin hisobida 37 ochkosi bor “Liverpul” turnir jadvalida 2-o‘rinda bormoqda. Londonning “Chelsi” klubi esa ketma-ket 11 o‘yindagi g‘alabasi sabab Rojdestvoga qadar 6 ochkolik farq bilan peshqadam sifatida yetib keldi.
Shu bilan Premyer-Liga klublari 18-turni 26-dekabr kuni boshlaydi.
Angliya Premyer-Ligasi 17-tur o‘yini 19-dekabr, dushanba
“Everton” — “Liverpul” 0:1
Gol: Sadio Mane, 90+5 (0:1).
Izoh (0)