Vazirlar Mahkamasining qarori (pdf) bilan 2017—2019-yillar davrida Namangan shahrining yo‘l-transport va muhandislik-kommunikatsiya infratuzilmasini yanada rivojlantirish dasturi tasdiqlandi, deb yozadi UzDaily.
Qarorga muvofiq, 2017—2019-yillarda Namangan shahrining mukammal ta’mirlanishi kerak bo‘lgan ko‘chalari ro‘yxati hamda 2017—2019-yillar davrida Namangan shahrining muhandislik-kommunikatsiya infratuzilmasini — suv ta’minoti, kanalizatsiya, elektr ta’minoti, gaz ta’minoti va telekommunikatsiyalar tizimlarini rekonstruksiya qilish va qurish ishlarining prognoz hajmlari tasdiqlandi.
Dasturga ko‘ra, 2017—2019-yillarda Namanganda ko‘chalarni kapital ta’mirdan chiqarish bo‘yicha umumiy qiymati 35,25 milliard so‘mga teng beshta loyiha amalga oshiriladi.
Shuningdek, suv ta’minoti tizimini rekonstruksiya qilish bo‘yicha 16,21 milliard so‘mlik 5 ta loyiha, kanalizatsiya tizimlarini qurish bo‘yicha 7,88 milliard so‘mlik 4 ta loyiha, elektr ta’minoti tizimini rekonstruksiya qilish bo‘yicha 3,79 milliard so‘mlik 11 ta loyiha amalga oshiriladi.
Izoh (0)