Zimbabvening 92 yoshli prezidenti Robert Mugabe hukmron Afrika milliy ittifoqi — Vatanparvarlik jabhasi partiyasi syezdiga rasmiy libos o‘rniga yoshlarbop pidjak kiyib keldi. Bu haqda “TASS” xabar bermoqda.
Qora, qizil, sariq, yashil ranglardagi turli rasmlar tushirilgan libos Mugabe uchun odatiy bo‘lgan rasmiy kostyum va qizil bo‘yinbog‘ning o‘rnini egalladi.
Libos dizaynini Zimbabvening birinchi xonimi Greys Mugabe ishlab chiqqani aytilmoqda.
“Zimbabve choy idishi misoli, va barimiz undan ichamiz. Biz asosiy yemagimiz bo‘lgan makkajo‘hori o‘stiramiz. Olovli liliyani ham tasvirladik. Biz ishongan yetakchimiz aynan shunday ko‘rinishdadir”, — deb g‘oyasini tushuntirdi Greys.
Greysning o‘zi ham tadbirga shunday matodan tikilgan ko‘ylak hamda katta kumush xochda keldi.
Taxminlarga ko‘ra, libos 1980-yildan buyon mamlakatni boshqarayotgan Mugabe hali qarib qolmaganini ko‘rsatishi lozim edi. Ilgariroq u yana prezident bo‘lib saylanish niyati borligini bildirgan edi.
Syezdda Mugabening nomzodi prezidentlikka ko‘rsatildi.
Izoh (0)