16-dekabr, juma kuni Rossiyaning Birinchi kanalida efirga uzatiluvchi “Golos” loyihasining ikkinchi chorak finali o‘tkazildi. Polina Gagarina jamoasidagi, Toshkentdagi restoranlardan birida qo‘shiq kuylovchi mavrikiylik Xensli Poynen ham o‘z chiqishini namoyish etdi.

Foto: Birinchi kanal

Kadr: Birinchi kanal

Xensli Stingning Fragile qo‘shig‘ini ijro etdi.

Polina o‘zining 100 foiz ovozini uch ishtirokchi o‘rtasida quyidagicha taqsimladi: Xensli Poynenga 20, Yekaterina Kovskayaga 30, Mixail Jitovga 50 foiz. Maxsus raqamga SMS jo‘natish va qo‘ng‘iroq qilish orqali ovoz bergan muxlislarning 12,2 foizi Xensliga o‘z ovozini berdi. Murabbiy va teletomoshabinlar ovozining jamlanmasiga ko‘ra mavrikiylik qo‘shiqchi uch ishtirokchi orasida oxirgi bo‘ldi, Mixail Jitov esa yarim finalga chiqdi.

Kadr: Birinchi kanal

Kadr: Birinchi kanal

Xayrlashuv so‘zida Xensli Poynen Mavrikiyga, Toshkent va Moskva shaharlariga minnatdorlik bildirdi.

Mavrikiyning xaritada joylashgan o‘rni

Mavrikiyning xaritada joylashgan o‘rni

Endi Mixail Jitovga yarim finalda asli o‘zbekistonlik xonanda Sardor Milano raqiblik qiladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.