“Barselona” jamoasi rahbariyati klub hujumchisi Luis Suares bilan amaldagi kelishuvi muddatini 2021-yilgacha uzaytirdi. Bu haqda “Sports.ru” xabar bermoqda.
Yangi shartnomaga muvofiq, urugvaylik 29 yoshli futbolchining tovon puli 200 million yevro qilib belgilandi. Ya’ni, Suaresning transferini uning kataloniyaliklar bilan kelishuvi muddati yakuniga yetmay turib sotib olmoqchi bo‘lgan jamoa 200 million yevro to‘lashi kerak bo‘ladi.
Luis Suares 2014-yili Angliyaning “Liverpul” klubidan “Barselona” safiga keshib qo‘shilgandi. Shu vaqtigacha u kataloniyaliklar libosida 116 uchrashuv o‘tkazib, 97 ta gol kiritdi va 8 ta sovringa ega chiqdi.
Qayd etish joiz, “Barselona” joriy yilda himoyachi Xavyer Maskerano va hujumchi Neymar bilan shartnomasini mos ravishda 2019 va 2021-yilgacha uzaytirgandi. Kataloniyaliklar klub yetakchisi Lionel Messi bilan 2018-yilning 30-iyunigacha davom etadigan kelishuvini uzaytirish borasida muzokaralar olib bormoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)