Futbol bo‘yicha klublar o‘rtasidagi Jahon Chempionatining yarim finalida vengriyalik hakam Viktor Kashshai penalti belgilash uchun videotakrorga murojaat qildi, deb yozdi “Sports.ru”.
Yaponiyaning “Kashima Antlers” hamda Kolumbiyaning “Atletiko Nasyonal” klublari o‘rtasidagi bellashuvning 32-daqiqasida bahsli vaziyat yuzaga keldi. Viktor Kashshai esa ikkilanib o‘tirmay videotakror yordamiga suyandi hamda kolumbiyaliklar darvozasi tomon penalti belgiladi. Keyinroq yaponiyalik futbolchilar uni aniq amalga oshirib, hisobda oldinga chiqib oldi.
Mirror buni tarixiy voqea, deb atadi. Boisi FIFA miqyosidagi xalqaro musobaqalarda videotakrorga murojaat qilish holati ilk bor kuzatildi. Bunda hakam o‘yinni bir necha soniyaga to‘xtatib, bo‘lib o‘tgan qo‘pollikni videoda tomosha qilib qaytdi.
Izoh (0)