“Barselona”ning argentinalik hujumchisi Messining ismi va raqami aks etgan polietilen paketdan tayyorlangan futbolka kiyib yurgan fotosuratlari tufayli internetda shuhrat qozongan Murtazo Ahmadiy ismli olti yoshlik afg‘onistonlik bola o‘zi ishqiboz bo‘lgan futbol yulduzi bilan klubning Qatar safari chog‘ida uchrashdi. Bu haqda TJournal xabar bermoqda.
Messi va Ahmadiy ishtirokidagi videoni Qatardagi futbol bo‘yicha jahon chempionati (2022) tashkiliy qo‘mitasi Twitter’da e’lon qildi. Uchrashuv Dohada bo‘lib o‘tdi. Argentinalik futbolchi u yerga “Barselona” tarkibida mahalliy jamoaga qarshi uchrashuv o‘tkazish uchun kelgan edi.
The image the world wanted to see. The six year old boy who dreamed of meeting his hero, #Messi, finally comes true. #FCBinDoha pic.twitter.com/58FWn17b9A
— اللجنة العليا للمشاريع والإرث (@roadtoqatar) December 13, 2016
Ahmadiy Messi bilan ko‘rishibgina qolmay, u bilan birga maydonga ham chiqadi.
Twitter’dagi sahifasida tashkiliy qo‘mita BMTning qochqinlar ishlari bo‘yicha agentligiga uchrashuvni tashkil etishdagi yordami uchun minnatdorlik bildirdi.
Izoh (0)