JCh–2018 turniriga uchinchi saralash bosqichida ishtirok etayotgan O‘zbekiston milliy terma jamoasining taqvimida o‘zgarish yuz berdi, deb xabar bermoqda O‘FF matbuot xizmati.
Eron hamda O‘zbekiston futbol federatsiyalarining o‘zaro kelishuviga ko‘ra, saralashning uchinchi bosqichi 8-tur doirasidagi Eron – O‘zbekiston uchrashuvi 2017-yilning 13-iyun kunidan o‘sha yilning 12-iyun kuniga ko‘chirildi.
Hozirga qadar saralashning uchinchi bosqichi doirasida jamoalar beshtadan o‘yin o‘tkazgan bo‘lib, Eron “A” guruhida 11 ochko bilan peshqadamlik qilmoqda. Ikkinchi o‘rinni egallab turgan Janubiy Koreya hisobida 10 ochko, uchinchi o‘rindagi O‘zbekiston milliy terma jamoasi hisobida 9 ochko mavjud.
O‘zbekiston milliy terma jamoasi saralash bosqichidagi keyingi uchrashuvini 2017-yilning 23-mart kuni safarda Suriyaga qarshi o‘tkazadi. Unga qadar Samvel Babayan murabbiyligi ostidagi jamoa Armaniston hamda Gruziya terma jamoalari bilan o‘rtoqlik uchrashuvlari o‘tkazish borasida kelishuvga erishgan.
Gruziya terma jamoasiga qarshi nazorat o‘yini 2017-yilning 23-yanvar kuni bo‘lib o‘tadi. Armaniston termasiga qarshi o‘rtoqlik o‘yini 12-fevral kuni o‘tkaziladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)