Yaponiya Rossiya prezidenti Vladimir Putin tashrif buyuradigan manzillardagi havo hududini yopadi. Bu haqda Yaponiya tashqi ishlar vazirligi ma’lum qildi. Bu haqda TJournal xabar bermoqda.
Putinning Yaponiyaga tashrifi 15—16-dekabr kunlariga rejalashtirilgan. Bu kunlarda Yaponiya Rossiya prezidenti samolyoti qo‘nadigan Ube aeroporti atrofida, shuningdek, tashrifning birinchi kuni o‘tadigan Nagato shahrining ayrim tumanlari va Putin 16-dekabr kuni boradigan Tokioning markaziy tumanlarida parvozlar taqiqlanadi.
Yopiq hududlardagi parvozlar havo transportining barcha turlari, jumladan, uchuvchisiz uchish qurilmalari uchun ham man etiladi. Faqat Rossiya prezidenti xavfsizligini ta’minlaydigan maxsus havo vositalari parvozi uchun ruxsat berilishi bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.