Koreya Respublikasi Birlashish vazirligi KXDR tomonidan Janubiy Koreya prezidenti qarorgohining nusxasiga hujum qilish bo‘yicha o‘quv mashg‘ulotlarining o‘tkazilishini keskin qoraladi. Bu haqda boshqarma rasmiy vakili Seuldagi chiqishida bayonot berdi, deb yozadi “TASS”.
“Shimoliy Koreya shu tarzda Janubiy Koreyadagi siyosiy tushunmovchilik fonida o‘z rejimi barqarorligicha qolayotganligini namoyish etishga urinmoqda”, — dedi Birlashish vazirligi mansabdori.Ma’lum qilinishicha, KXDR yetakchisi Kim Chen In Koreya xalq armiyasining 525-raqamli harbiy qismiga nazorat tashrifini amalga oshirgan.
Janubiy Koreya OAVlarining ma’lumotlariga qaraganda, tashrif davomida jangchilar KXDR yetakchisiga bir necha daqiqa ichida Janubiy Koreya prezidentining Seuldagi qarorgohi — “Moviy uy”ning to‘liq ko‘lamdagi nusxasini egallab olishni namoyish qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.