Fransiya poytaxtidan 20 kilometr janubi-sharqda joylashgan Limey-Brevan shahridagi ombordan jinoyatchilar qimmatbaho teri buyumlarini o‘g‘irlab ketdi. Bu haqda “TASS” xabar bermoqda.
O‘g‘irlangan buyumlar qiymati 1 million yevrodan oshiq ekani bildirilmoqda. Gap, jumladan, Hermes va Louis Vuitton kabi mashhur fransuz kompaniyalari tomonidan tayyorlangan mahsulotlar haqida ketmoqda.
Mazkur ish yuzasidan Parij banditizmga qarshi kurash brigadasi shug‘ullanayotgan tergov boshlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.