Istanbuldagi terakt qurbonlari soni 39 kishiga yetdi
Istanbulda “Beshiktosh” futbol klubi stadioni yaqinida yuz bergan qo‘sh teraktda yaralangan yana bir kishi halok bo‘ldi. Shu tariqa terakt qurbonlari 39 kishiga yetdi. Bu haqda Hurriyet gazetasi ma’lum qildi, deb yozadi “Korrespondent.net”.
Yana 14 kishi og‘ir ahvolda jonlantirish bo‘limida ekanligi ma’lum qilinmoqda.
Halok bo‘lganlarning aksariyati politsiyachilardir. Shuningdek, yana bir nafar qurbonning shaxsi aniqlanmagan.
Eslatib o‘tamiz, avvalroq “Kurdiston ozodligi qirg‘iylari” radikal harakati rasmiy saytida joylashtirgan bayonotida Istanbulda sodir etilgan teraktlar uchun javobgar ekanligini tan olganligi haqida xabar qilingan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
