Rossiya hamda OPEK tarkibiga kirmaydigan bir qator davlatlar keyingi yildan neft qazib olish hajmini sutkasiga 600 ming barrelga qisqartirish borasida kelishuvga erishdi. Bu Bloomberg agentligiga ma’lum bo‘ldi, deb xabar beradi “RBK”.
Kelishuvga 10-dekabr kuni Venada bo‘lib o‘tgan uchrashuvda erishildi.
Delegatning ma’lum qilishicha, hajmlarni qisqartirishga rozi bo‘lgan davlatlar orasida Qozog‘iston ham bor. Shusiz ham neft qazib olish hajmi qisqarib borayotgan davlatlar, masalan, Meksika, bu ro‘yxatda bor-yo‘qligi noma’lum.
“Biz OPEK tarkibiga kiradigan va kirmaydigan 25 mamlakatni neft bozorini barqarorlashtirish hamda tovarimizning haqqoniy narxini himoya qilish g‘oyasi atrofida to‘pladik”, — dedi Venesuela neft vaziri Euloxio del Pino uchrashuv oldidan.
Izoh (0)