Avstriyalik olimlar 51 harfdan iborat so‘zni yil so‘zi deb e’lon qildi. Bu haqda, The Independent nashriga asoslanib, “Gazeta.ru” xabar bermoqda.
Bundespräsidentenstichwahlwiederholungsverschiebung so‘zi “federal prezident saylovini qaytadan ortga surish” deb tarjima qilinadi.
“Mundarijasi, shuningdek, uzunligi nuqtai nazaridan so‘z joriy yildagi siyosiy voqealarga kinoyali munosabat ramzidir”, — deb qarorga izoh berdi hakamlardan biri.
Shuningdek, Gratsa universiteti mutaxassislari yilning “noso‘z”ini aniqladi. Avstriya va Brexit so‘zlarining qo‘shilishidan hosil bo‘lib, Avstriyaning Yevroittifoqdan chiqishini anglatuvchi Öxit so‘zi bu maqomga ega bo‘ldi.