“Samarqand darvoza”dagi 70 foizlik chegirma sabab Qoratosh ko‘chasida katta tirbandlik yuzaga keldi

Bugun — 9-dekabr kuni Toshkentning Qoratosh ko‘chasida katta tirbandlik kuzatildi. “Qalampir”ning ma’lumot berishicha, mashinalar oqimining keragidan ko‘proq bo‘lishiga sabab “Samarqand darvoza” gipermarketidagi chegirmadir.

Aynan 9-dekabr kuni gipermarket 70 foizgacha bo‘lgan chegirmalar qilgani xaridorlarni o‘ziga jalb qilgan. Natijada “Samarqand darvoza” avtoturargohida mashina qo‘yish uchun bo‘sh joy qolmagan.

Ma’lumot uchun, “Samarqand darvoza”dagi chegirma tungi soat 1:00 ga qadar davom etadi. Qoratosh ko‘chasidagi tirbandlikni yechish uchun yo‘l-patrul xizmati xodimlari ish olib borayotgani aytilgan.