Pensilvaniyadagi xokkey o‘yinida urilgan birinchi shaybadan keyin muz ustiga yumshoq o‘yinchoq yomg‘iri yog‘ib berdi (video)

AQShning Pensilvaniya shtatida o‘tkazilgan xokkey o‘yini vaqtida qiziq voqea sodir bo‘ldi. Mezbon jamoa xokkeychilari birinchi shaybani kiritishi bilan muz ustiga yumshoq o‘yinchoqlar yomg‘iri yog‘a boshladi.

Bu 1993-yildan buyon urf bo‘lib, rojdestvo arafasidagi o‘yinda mezbonlar birinchi shaybani urishi hamonoq muz usti ayiqchalar, quyonchalar va yo‘lbarschalarga to‘la boshlaydi.

Uchrashuvdan keyin o‘yinchoqlar bolalar uylari va kasalxonalarga yetkaziladi.