Obama va Tramp astronavt Glenning vafoti munosabati bilan ta’ziya bildirdi

AQSh prezidenti Barak Obama amerikalik astronavt Jon Glenning vafoti  munosabati bilan ta’ziya bildirdi, deya xabar bermoqda “TASS” Oq uy matbuot xizmatiga tayanib.

“Jon Glenning o‘limi natijasida xalqimiz o‘z kumiridan, rafiqam Mishel ikkalamiz esa do‘stimizdan ayrildik”, — deya ta’kidladi Obama.

Prezidentning aytishicha, Glenn “bizni qachonlardir Marsga eltib qo‘yuvchi millionlab olimlar, muhandislar va astronavtlarni ilhomlantirgan”.

Yangi saylangan prezident Donald Tramp, o‘z navbatida, Glenn kosmik makonning “bo‘lg‘usi tadqiqotchilari avlodini ilhomlantirgan” qahramon bo‘lganini qayd etdi.

Eslatib o‘tamiz, AQSh tarixida ilk orbital parvozni amalni oshirgan astronavt Jon Glenn 95 yoshida hayotdan ko‘z yumdi.