O‘z guruhini 1-o‘rinda yakunlagan “Yuventus” “PSJ”, “Manchester Siti”, “Bavariya” yoki “Real Madrid”dan biriga raqib bo‘lishi mumkin

Yevropa Chempionlar Ligasining so‘nggi guruhida ishtirok etgan Turinning “Yuventus” klubi uni mag‘lubiyatsiz yakunladi.

So‘nggi turda Zagrebning “Dinamo” klubini qabul qilgan “keksa senyora” 2:0 hisobida muvaffaqiyat qozondi.

Guruhda ikkinchi bo‘lishi uchun “Sevilya”ga durang natija kifoya edi. Andalusiya klubi “Lion”ga qarshi bellashuvda buni uddaladi.

Chempionlar Ligasi reglamentiga ko‘ra, 1/8 finalga qur’a tashlanayotganda o‘z guruhida 1-o‘rinni qo‘lga kiritgan klublar faqatgina 2-o‘rin egalariga raqib bo‘ladi. “Real Madrid”, “Bavariya”, “PSJ”, “Manchester Siti” kabi klublar guruhni 2-o‘rinda yakunlagani inobatga olinsa, ulardan biri nimchorak finaldayoq “Yuventus”ga raqib bo‘lib qolishi mumkin.

“Yuventus” — “Dinamo Zagreb” 2:0

“Lion” — “Sevilya” 0:0