Rossiyaning Xanti-Mansi avtonom okrugida yuz bergan va 12 kishi hayotdan ko‘z yumishiga olib kelgan yo‘l-transport hodisasi qurbonlari orasida O‘zbekiston fuqarosi ham bor. Bu haqda “Gazeta.uz” xabar bermoqda.
O‘zbekiston Respublikasi Favqulodda vaziyatlar vazirligiga ko‘ra, 2001-yilda tug‘ilgan Zulfiya Ergasheva YTHda halok bo‘ldi. U bilan tengdosh singlisi Gavhar og‘ir holatda bo‘lib, Xanti-Mansi neyrojarrohlik klinikasida qolmoqda.
Vazirlik Rossiya tomoni bilan 7-dekabr, chorshanba kuni marhumaning jasadini Toshkentga yetkazib kelish masalasini hal etdi. Jasadni olib kelishda qizning otasi Sarvar Ergashev hamrohlik qiladi.
FVV respublikaning boshqa vazirlik va muassasalari bilan marhumaning yaqinlariga zarur tashkiliy masalalarni hal etishda yordam berish uchun barcha choralarni ko‘rmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)