Saakashvili Ukraina fuqaroligidan mahrum qilingan taqdirda aeroportda yashashga tayyorligini bildirdi
Ukrainaning Odessa viloyati sobiq gubernatori Mixail Saakashvili, agarda u Ukraina fuqaroligidan mahrum qilinsa, aeroportning tranzit zonasida yashashga tayyorligini bildirdi. Bu haqda u 6-dekabr kuni Deutsche Welle nashriga bergan intervyusida aytib o‘tdi, deb xabar beradi “RBK”.
“Eng yaxshi vaziyatda biror-bir xalqaro aeroportning tranzit zalida yashayman. Chunki bu ahmoqlik. Bu juda ahmoqona vaziyat bo‘lar edi”, — dedi u.
Noyabr oyining boshida Saakashvili Odessa gubernatorligidan ketishini ma’lum qilgan edi. Shuningdek, siyosatchi ushbu mamlakatda korrupsiyaga qarshi kurashning yangi bosqichini boshlagani ma’lum bo‘ldi. Buning uchun Saakashvili “Tozalash uchun harakat” siyosiy tashkilotini yaratishga kirishdi.
Bir muddatdan so‘ng Saakashvili Facebook’dagi sahifasi orqali Ukraina prezidenti Pyotr Poroshenko uni mamlakat fuqaroligidan mahrum qilmoqchi ekanligini yozdi.
