Qozog‘istonda neft o‘g‘riligini taftish qilish uchun maxsus operatsiya boshlandi

7-dekabr ertalabki soatlarda Qozog‘istonning Aqto‘be shahrida neft va neft mahsulotlarini o‘g‘irlab, noqonuniy realizatsiya qilish bilan shug‘ullangan jinoiy guruhlar faoliyatiga chek qo‘yishga qaratilgan maxsus operatsiya boshlandi. Bu haqda “RBK” xabar bermoqda.

Qozog‘iston milliy xavfsizlik qo‘mitasi axborotiga ko‘ra, operatsiya chog‘ida viloyatda neft o‘g‘irlashda gumonlangan shaxslar guruhi qo‘lga olindi. Ularnig yonidan neft va neft mahsulotlari solingan avtotsisternalar topildi.

Bundan tashqari, radikal oqimlar tarafdorlari bo‘lgan bir guruh shaxslar hibsga olindi. Ushbu guruh neft o‘g‘riligi bilan shug‘ullangan shaxslarga homiylik qilgani aytilmoqda.