Toshkent shahar hokimligida O‘zbekiston mustaqilligining 25 yilligi arafasida mamlakat Birinchi Prezidenti Islom Karimov farmoniga muvofiq O‘zbekistonning ijtimoiy-iqtisodiy, ishlab chiqarish, sanoati rivoji yo‘lida samarali mehnat qilayotgan bir guruh insonlarni, O‘zbekiston Respublikasi Prezidenti vazifasini bajaruvchi Shavkat Mirziyoyev imzolagan farmonga binoan 1 oktyabr – O‘qituvchi va murabbiylar kuni munosabati bilan yuksak orden va medallarga munosib topilgan pedagoglarni taqdirlashga bag‘ishlangan tantanali tadbir bo‘lib o‘tdi. Bu haqda O‘zA xabar bermoqda.
Tadbirda O‘zbekistonning iqtisodiy salohiyatini yuksaltirish va islohotlarni muvaffaqiyatli amalga oshirishdagi katta xizmatlari, ko‘p yillik samarali mehnati bilan sanoat, transport, aloqa hamda qurilish sohalarini rivojlantirishga qo‘shgan salmoqli hissasi, ijtimoiy hayotdagi faol ishtiroki uchun bir guruh o‘zbekistonliklarga yuksak mukofotlar tantanali tarzda topshirildi.
Mukofotlarni O‘zbekiston Respublikasi Bosh vazirining birinchi o‘rinbosari Rustam Azimov topshirdi.
Avvalroq Islom Karimov farmoni bilan Mustaqillik bayrami arafasida taqdirlangan ijodkorlarga davlat mukofotlari topshirilgani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)