Britaniya qirollik oilasi haykallariga Rojdestvo liboslari kiydirildi

Madam Tyusso muzeyida joylashgan Buyuk Britaniya qirollik oilasi a’zolarining mum haykallariga xayriya aksiyasi doirasida Rojdestvo liboslari kiydirildi. Bu haqda TJournal xabar bermoqda.

Qirolicha haykaliga korgi kuchukchasi tasviri tushirilgan yashil jemper kiydirildi. Malika Keyt va shahzoda Uilyam juftligiga bitta umumiy sviter kiydirildi, shahzoda Garriga esa pingvin tasvirli yashil jemper nasib qildi. Qirolichaning korgi kuchukchasiga ham yashil sviter kiydirildi.

Qirollik oilasi haykallariga ushbu liboslar Save The Children aksiyasi doirasida kiydirildi. Muzey tashrifchilariga mana shunday bayram sviterlarini xarid qilish taklif etiladi. To‘plangan pul muhtoj bolalarga ajratiladi.