YouTube’dagi Alex William kanalida itini himoya qilgan erkak kenguru kallasiga musht tushirgani tasvirlangan video paydo bo‘ldi.
Videolavhada kenguru itning bo‘ynidan ushlab olib, uni bo‘g‘ayotganini ko‘rish mumkin. Itning egasi o‘z jonzotini qutqarish maqsadida kenguruning yoniga yugurib borib, uning boshiga bir musht tushurdi.
It qochib ketishga muvaffaq bo‘ldi, kenguru va erkak esa bir necha soniya bir-biriga termilib turdi. Shundan keyin itning egasi ortga qaytdi, kenguru ham chekindi.
3-dekabr kuni yuklangan ushbu videolavhani xabar yozilayotgan vaqtda 1,2 milliondan ortiq foydalanuvchilar ko‘rishga ulgurib bo‘lgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)