Futbol bo‘yicha Fransiya chempionatining 16-turida “Mets” klubi “Lion”ni qabul qildi.
Bellashuvda mezbonlar 1:0 hisobida oldinda borayotgan 30-daqiqada bosh hakam futbolchilarni maydondan olib chiqib ketdi. Gap shundaki, muxlislar “Lion” darvozaboni Antoni Lopeshga qarata petarda uloqtirgan.
15-turdan keyin “Mets” turnir jadvalida 13-o‘rinni egallab turgan bo‘lsa, hisobida 25 ochkosi bor bo‘lgan “Lion” beshinchi bo‘lib turgandi.
Fransiya Futbol Federatsiyasi petarda voqeasidan keyin o‘z qarorini e’lon qilganicha yo‘q. Aytilishicha, uchrashuv qaytadan o‘tkazilishi haqiqatga yaqin.