29-noyabrdan 5-dekabrga qadar Tailandning Patayya shahrida bodibilding va fitnes bo‘yicha VIII jahon chempionati (8th WBPF World Championships 2016) bo‘lib o‘tmoqda. Bu haqda, O‘zbekiston bodibilding va fitnes federatsiyasiga asoslanib, “Gazeta.uz” xabar bermoqda.
3-dekabr kuni O‘zbekiston vakilasi Malika Vakasova “model-fizik” kategoriyasida 20 nafar ishtirokchi orasida uchinchi o‘rinni qo‘lga kiritdi.
Bugungi kunda Malika Vakasova O‘zbekiston bodibilding va fitnes federatsiyasi reytingida Yelena Nurayeva bilan birgalikda birinchi o‘rinda turibdi. U ko‘plab mahalliy va xalqaro musobaqalar sovrindori hisoblanadi.
Kecha, 2-dekabr kuni O‘zbekistonning boshqa vakili — Pavel Umirzakov mamlakat tarixida birinchi marta bodibilding bo‘yicha jahon chempionati oltinini qo‘lga kiritgan edi.
Izoh (0)