Bir kunda 25 nafar jamoadoshidan ajralib qolgan “Shapekoense” darvozaboni futbolchilik faoliyatini yakunladi

Kolumbiya osmonidagi falokat natijasida “Shapekoense” futbol klubining 25 nafar futbolchisi olamdan ko‘z yumgandi. Mazkur voqeaga 3 kun to‘lgach klubning 42 yoshli posboni Nivaldo Martins qaytib maydonga tushmasligini bildirdi.

“Sports.ru”ning qayd etishicha, darvozabon Kopa Sudamerikananing final o‘yiniga tasodif tufayli bormagan va tirik qolgan.

“Aslida men ham safarga chiqishim kerak edi. Hamma narsaning o‘z sababi bo‘ladi. Men yakshanba kuni “Palmeyras” bilan o‘yin uchun bordim. Jamoadagi o‘zimning 300-o‘yinimni esa “Shapekoense” maydonida o‘tkazishni istadim va safardan qoldim”, — dedi Nivaldo Martins.

“Palmeyras” bilan o‘yindan keyin “Shapekoense” bosh murabbiyi jamoa sharafini himoya qiladigan shaharga qaytib o‘tirmay, o‘sha yerning o‘zidanoq Medelinga uchishga qaror qilgandi.