OITS bilan xastalangan o‘zbekistonlik ota-onadan tug‘ilgan sog‘lom bola, Dushanbega parvoz qiladigan “O‘zbekiston havo yo‘llari”, Asadni ag‘darish niyatidagi Erdo‘g‘on va kunning boshqa muhim xabarlari

30-noyabrning e’tiborga molik yangiliklari — “Daryo”ning kechki dayjestida.

1. Erdo‘g‘on Suriyada Asadning rejimiga nuqta qo‘ymoqchi. Aytishlaricha, Turkiya prezidentining Asad tuzumini ag‘darish haqidagi so‘zlari Kreml uchun yangilik bo‘ldi.

2. O‘zbekistonda OITSga chalingan ikki bemor turmush qurdi va sog‘lom farzand ko‘rdi. O‘ttiz to‘rt yoshli ko‘hlikkina bu juvon bir qarashda dunyoda hech tashvishi yo‘q insonga o‘xshaydi.

3. O‘zbekiston va Tojikiston havo aloqasi bo‘yicha hamkorlik to‘g‘risida protokol imzoladi. Toshkent va Dushanbe o‘rtasidagi parvozlar 2017-yildan boshlanishi kutilmoqda.

4. Mendeleyev jadvalining 113-raqamli yangi elementi “nixoniy” deb nomlandi. “Nixoniy” so‘zi Yaponiyaning mahalliy nomlanishi — “Nixon”dan kelib chiqqan.

5. Saylov kuni — bepul transport: 4-dekabrda Toshkent avtobuslari ham, metrosi ham yo‘lovchilardan yo‘l haqi olmaydi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.