Tailand hukumati taxtga yangi qirolni chiqarish jarayonini boshladi. Marhum qirol Pxumipon Adulyadetning (Rama IX) yagona merosxo‘ri taxtni kelayotgan payshanba, 1-dekabr kuni egallashi mumkin. Bu haqda bosh vazir o‘rinbosari Pravit Vongsuvan ma’lum qildi, deb yozadi “TASS”.
Taxtga valiahd shahzoda Maxa Vachiralongkornni chiqarish jarayonini boshlash qarori vazirlar mahkamasi tomonidan qabul qilindi. “Shundan so‘ng biz tegishli parlament jarayoniga kirishamiz”, — dedi Vongsuvan.
An’anaga ko‘ra, parlament raisi vorisni bo‘shab qolgan taxtni egallashga chaqirishi kerak. Taxtga o‘tirishga bag‘ishlangan maxsus sessiya bugun, 29-noyabrda bo‘lib o‘tishi kutilmoqda.