Ayni paytda Rossiyada odam immunodefitsiti virusiga (OIV) chalingan milliondan ortiq odam ro‘yxatga olingan. Bu haqda OITS profilaktikasi va unga qarshi kurash bo‘yicha Federal ilmiy-metodik markazi rahbari Vadim Pokrovskiy bayonot berdi, deb xabar qiladi “Interfaks”.
“Uchinchi chorak yakunlariga ko‘ra 1087339 Rossiya fuqarosi OIVga yo‘lliqan sifatida ro‘yxatga olindi, 233 ming kishi halok bo‘ldi”, — dedi u agentlikning markaziy ofisida bo‘lib o‘tgan matbuot anjumanida.
U OIV infeksiyasi jahonning barcha mamlakatlarini qamrab olgani bois uni pandemiya deb atash mumkinligini ta’kidlab o‘tdi.
“Turli hisob-kitoblarga ko‘ra, OIV infeksiyasi 40 milliondan 50 milliongacha kishini hayotdan olib ketdi. Miqyosiga ko‘ra bu Birinchi Jahon urushidir”, — dedi Pokrovskiy.
Mutaxassisning ma’lum qilishicha, OIVga yo‘liqishning yangi holatlari bo‘yicha Rossiya birinchi o‘ntalikka kiradi.
Izoh (0)