Checheniston rahbari Ramzan Qodirovning farzandlari aralash jang san’atlari bo‘yicha murabbiylari Abdulkarim Edilovga Porsche Panamera avtomobilini sovg‘a qildi. Bu haqda Edilov Instagram’dagi sahifasi orqali ma’lum qilib, mashinaning suratini ham joylashtirdi, deb xabar beradi “Argumenti i fakti”.
“Allohga shukur, menga bu hayotda hamma narsa, ayniqsa, Ahmad, Eli va Adam ukalarimni ato etdi. Biz ular bilan juda ko‘p vaqtni birga o‘tkazamiz, ularga mehrimni so‘z bilan ifodalash qiyin. Kecha tug‘ilgan kunimda ular menga orzu qila olmagan sovg‘amni — Porsche Panamera mashinasini tortiq qildi”, — deb yozdi 24 yoshli murabbiy.
Shuningdek, u shogirdlarining otasi Ramzan Qodirovga minnatdorlik bildirdi.
Ochiq manbalardagi ma’lumotlarga ko‘ra, Ramzan Qodirovning olti qizi va to‘rt o‘g‘li bor.
Izoh (0)