Moskva shahar sudi 2 million dollar pora olishda ayblanayotgan Rossiya iqtisodiy rivojlanish vazirligi sobiq vaziri Aleksey Ulyukayevga nisbatan belgilangan uy qamog‘ini qonuniy deb topdi. Bu haqda “Vedomosti” xabar bermoqda.
“Basman tuman sudi tomonidan ayblanuvchi Ulyukayevga nisbatan ehtiyot chorasi sifatida 2017-yilning 15-yanvariga qadar uy qamog‘ining tayinlanishi o‘zgarishsiz qoldirilsin, advokatlar Gridnev va Kashtanovaning apellyatsiya shikoyati qanoatlantirishsiz qoldirilsin”, — deyiladi sudya Larisa Polyakovaning qarorida.
Shu tariqa Ulyukayevga nisbatan uy qamog‘i haqidagi qaror qonuniy kuchga kirdi.
Himoya Moskva shahar sudidan tuman sudi qarorini bekor qilib, Ulyukayevga nisbatan ozodlikdan mahrum etish bilan bog‘liq bo‘lmagan yengilroq ehtiyot chorasini qo‘llashni so‘ragan edi.
Eslatib o‘tamiz, avvalroq Rossiya iqtisodiy rivojlanish vaziri, 2 million dollarlik poraxo‘rlikda ayblanib hibsga olingan Aleksey Ulyukayev ikki oyga uy qamog‘iga mahkum etilganligi haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)