Kataloniyaning “Barselona” klubi Ispaniya La Ligasining 13-turiga kelib yana 2 ochko boy berdi va “Real” bilan oradagi farqni 6 taga oshirib yubordi.
“Chempionat” nashri uchrashuv haqida futbolchilar va murabbiylar fikrini keltirib o‘tdi. Ulardan bilish qiyin emaski, “Barselona” raqibidan yaqqol kuchsiz futbol namoyish qilgan. Klub a’zolari qo‘lga kiritilgan 1 ochkodan xursand.
Luis Enrike
“Natijadan juda xursandman. Biz ochko olishning imkoni yo‘qdek ko‘ringan o‘yinda ochko ishladik. Raqib ‘Barselona’dan yaqqol ustunlik qildi. Agar bugun jamoalar futbolka almashib to‘p surganida, ‘Real Sosyedad’ futbolchilarini ‘Barselona’ a’zolari deb o‘ylash mumkin edi. Bu shunday tushuntirishki, uning yordamida birinchi jamoa ikkinchisidan yaqqol kuchli bo‘lganini payqash qiyin emas. Eng ajablanarlisi, birinchi bo‘limdan keyin hisobning durang bo‘lib turgani”.Xerard Pike
“Biz har doim ham bunday demaymiz, ammo tan olib aytish kerakki, durang biz uchun yomon natija bo‘lmadi. Mana shunday uchrashuvda ochko olganimizni qoniqarli natija deb hisoblayman. Raqib o‘yin bobida ham, istak borasida ham ustunlik qildi. Ayniqsa birinchi bo‘limda ‘Barselona’ maydonda umuman ko‘rinmadi. ‘Real Sosyedad’ esa dahshatli o‘ynadi, butun o‘yin davomida pressing uyushtirib, bizni maydonning ikkinchi yarmiga qamab tashladi. Bunday o‘yini bilan ‘Barsa’ La Ligani yutishga juda qiynaladi”.Karlos Vela (“Real Sosyedad”)
“‘Real Sosyedad’ g‘alabaga munosib o‘yin namoyish qildi. Hamma imkoniyatlarimizdan foydalanib, raqibni mag‘lub etishga yaqin edik. Shunga qaramay, maydondan boshimizni yuqori ko‘tarib chiqib ketdik. Biz shunday davom etishimiz kerak. ‘Barselona’dek klub to‘psiz harakat qilayotganida unga yaxshigina bosh og‘riq tug‘dirish mumkin”.Denis Suares
“Ular bizga birinchi bo‘limda hech qanday imkoniyat qoldirmadi. Raqib deyarli 20 ta burchak zarbasini amalga oshirdi. O‘yinimiz chiqmadi, bu vaziyatni esa o‘zgartirishimiz kerak. Ahir barcha yakkakurashlarda mag‘lub bo‘ldik. Maqsadimiz esa barcha stadionlarda g‘olib chiqish”.
Ma’lumot uchun, “Barselona” San-Sebastyan shahrida ketma-ket yetti mavsumdan buyon “Real Sosyedad”ni mag‘lub eta olmaydi. “Anoeta” stadionida “Barsa” so‘nggi bor 2006/07-yilgi mavsumda raqibini taslim qilgan.