Kuvayt hukumati iste’foga chiqishini ma’lum qildi

Kuvayt amiri shayx Saboh al-Ahmad al-Jobir as-Saboh 28-noyabr kuni mamlakat hukumati rahbarini qabul qilib, undan vazirlar mahkamasining iste’fo so‘rovi to‘g‘risidagi arizani qabul qilib oldi. Bu haqda “TASS” xabar bermoqda.

Shayx Jobir al-Muhammad al-Hamad as-Saboh rahbarligidagi mahkama 2013-yil avgustida shakllantirilgan edi. Ammo Kuvayt parlamentiga 26-noyabr kuni bo‘lib o‘tgan umummilliy saylovdan so‘ng hukumat iste’foga chiqishga qaror qildi, negaki uning yakunlariga ko‘ra muxolifat vakillari qonunchilik organidagi o‘rinlarning qariyb uchdan bir qismini egalladi.