Aktrisa Shahzoda Matchonova 25-noyabr kuni turmushga chiqdi. 1987-yil 8-avgust kuni tavallud topgan san’atkorning to‘y oqshomi Toshkentdagi “Yakkasaroy” to‘yxonasida bo‘lib o‘tdi.
Dastlabki xabarlarda kuyovning ismi Omar ekani aytilgan edi. Intervyularining birida, Matchonovaning o‘zi kuyov “san’atning boshqa turi bilan shug‘ullanuvchi oddiy inson” ekani haqida aytib o‘tgan edi.
“Sayyod.com”ning yozishicha, kuyovning asl ismi Omar emas, balki Muzaffar Masharifov bo‘lib, Turkiyada istiqomat qiladi, mahalliy futbol klublaridan birida to‘p suradi.
Internetda “Muzaffar Masharifov” deb qidirilsa, “VKontakte”, Facebook, Badoo kabi ijtimoiy tarmoqlarda 1992-yil 28-sentabrda tug‘ilgan bir yigitning sahifalari chiqib keladi.
Sahifalar yigitning selfilariga to‘la, ularni kuzatib, Muzaffar Masharifov haqiqatan ham sport bilan shug‘ullanishi, “Arsenal” (London) futbol klubiga ishqibozlik qilishi oydinlashadi, biroq Turkiyaning qaysi futbol jamoasida to‘p surishi noma’lum.
“Shahzodaning javoblaridan faqatgina u Muzaffar bilan avvalroq Turkiyada tanishgani, ayni vaqtda o‘zi Turkiyaning Istanbul shahrida, qaynonasi bilan birga ekanini ma’lum qilganini ayta olaman, xolos”, — deb yozadi “Sayyod.com” sayti muallifi.
“Nima uchun to‘yda kuyovning yaqinlari bo‘lmagani, nima uchun u Omar ismi bilan uylangani haqida esa, lozim topsa, Shahzoda va Muzaffarning o‘zi ma’lum qilar. Bu shaxsiy va oilaviy masala”, — deya qo‘shimcha qilgan sayt muallifi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)