OAV: Obama AQSh maxsus topshiriqli bo‘linmalarining terrorizmga qarshi kurash bo‘yicha vakolatlarini kengaytirishga qaror qildi

Barak Obama ma’muriyati Amerika maxsus topshiriqli bo‘linmalarining terrorchilikka qarshi kurash sohasidagi vakolatlarini kengaytirishga qaror qildi, deb yozadi “TASS”. AQSh qurolli kuchlari maxsus operatsiyalar qo‘mondonligiga razvedka va jangovar operatsiyalar o‘tkazish uchun yangi idoralararo tuzilmani boshqarish taklif etilgan.

“Ko‘p sonli” idoralardan tarkib topgan ushbu tuzilma hozircha “Counter-External Operations Task Force” (“kontrterrorchilik xususiyatidagi tashqi operatsiyalar bo‘yicha ishchi guruh”) deb atalmoqda. The Washington Post yozishicha, ko‘zlangan maqsad “so‘nggi 15 yildagi to‘xtovsiz nizolar davomida mashq qilingan”, hujum uchun obyektlarni aniqlash modelini olib, uni “G‘arbga qarshi qaratilgan hujum g‘oyalariga ega terrorchilik tarmoqlariga qarshi kurash olib borish uchun” butun dunyoga tarqatishdan iborat.

Nashr so‘zlariga ko‘ra, yangi tuzilma “G‘arbning an’anaviy ittifoqdoshlari qurolli kuchlariga va xavfsizlik kuchlariga razvedka ma’lumotlarini, zarbalar berish bo‘yicha tavsiyalarni va konsultativ yordamni taklif eta oladi yoki ular bilan birgalikda operatsiyalar o‘tkaza oladi”. “Dunyoning hukumati zaif yoki umuman mavjud bo‘lmagan mamlakatlarida AQSh maxsus topshiriqli bo‘linmalari bir tomonlama tartibda faoliyat yuritishi mumkin”, — deya aniqlik kiritdi gazeta.