Bugun,

  • USD 11095.31
  • RUB 173.84
  • EUR 10772.44

Norvegiya Oliy sudi AQSh maxsus xizmatlari sobiq xodimi Edvard Snoudenning apellyatsiyasini rad etdi, deb yozadi “TASS”. U mahalliy PEN-klubning unga so‘z erkinligiga qo‘shgan hissasi uchun ajratilgan mukofotni olish maqsadida Norvegiyaga borish huquqi uchun kurashmoqda.

Foto: “Vesti.Ru”

Foto: “Vesti.Ru”

Snouden Norvegiya hududiga kirgach, uni Amerika hukumatiga topshirmasliklari uchun kafolat olishga urinmoqda. Mamlakat adliya va jamoatchilik xavfsizligi vazirligi ta’kidlashicha, bunday kafolatni berish mumkin emas. Avvalroq Norvegiyadagi ikkita sud Snouden shu masalada Norvegiya davlatiga qarshi bergan da’voni ko‘rib chiqishdan bosh tortgan edi.

Mamlakat oliy sud organi qarorida Oslo okrug sudi va Apellyatsiya sudining pozitsiyalari tasdiqlangan, ular Snoudenni tutib berish haqida rasmiy so‘rov kelib tushmagunicha va uning o‘zi boshqa mamlakat hududida bo‘lib turgan vaqtida ekstraditsiya masalasini sud tartibida ko‘rib chiqish mumkin emas, deb hisoblaydi.

Da’vogarning advokatlari sud uning ekstraditsiya qilinishi imkoniyati oldindan Norvegiya qonunlariga zid deb tan olinishiga erishishga urinayotgan edi, chunki Amerika maxsus xizmatlari sirlarini oshkor qilgan Snouden siyosiy motivlar bo‘yicha ta’qib qilinmoqda.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi