Kuba inqilobi yetakchisi sifatida tanilgan Fidel Kastro 90 yoshida olamdan ko‘z yumdi. Bu haqda France Presse Kubaning ayni vaqtdagi rahbari Raul Kastroning so‘zlariga tayanib ma’lumot bergani “RIA Novosti”da qayd etildi. Reuters ma’lumotiga ko‘ra, Fidel Kastroning o‘limi haqida, shuningdek, Kuba televideniyesida ham e’lon qilingan.
Kuba inqilobchisi, davlat va siyosat arbobi Fidel Kastro 1926-yilning 13-avgust kuni tavallud topgandi. U 1976-yil dekabridan boshlab Kubaga 30 yil davomida rahbarlik qilgan.
Sog‘ligi yomonlashgani vajidan Kastro 2008-yilning fevralida davlat boshqaruvini o‘zining ukasi Raul Kastroga topshirgandi.
Izoh (0)