Rossiya ichki ishlar vazirligi 2017-yil boshidan Rossiya hududiga kirayotgan barcha chet elliklarni daktiloskopiyadan (barmoq izlari va ularga qarab kishilarning shaxsini aniqlash) o‘tkazmoqchi, deb yozadi Meduza tashqi ishlar vaziri birinchi o‘rinbosari Aleksandr Gorovoyga tayanib.
Boshqa mamlakatlardagi hamkasblari, ichki ishlar vaziri o‘rinbosari so‘zlariga ko‘ra, ushbu choraga tushunish bilan munosabatda bo‘lgan.
Xorijliklarni majburiy daktiloskopiyadan o‘tkazishning aynan qanday muddatda joriy qilinishiga Gorovoy aniqlik kiritmadi. Ammo u “biz ushbu ishni osoyishta rejimda olib borishimiz kerak” deya qo‘shimcha qildi.
Rossiyaning amaldagi qonunchiligiga ko‘ra, barmoq izlari vaqtinchalik yashashga ruxsat olgan chet elliklardan, shuningdek, qochoq maqomiga da’vogarlik qilayotganlardan olinadi. Bundan tashqari, Rossiyadan deportatsiya qilinadigan va Rossiyada noqonuniy yashayotgan deb topilgan boshqa mamlakatlar fuqarolari majburiy daktiloskopiyadan o‘tkaziladi.
Izoh (0)