O‘zbekistondagi birinchi “Robotlar jangi”, vazn tashlagani uchun million dollar yutib olgan Tom Xoll, elektron raqamli imzo talab qilmaydigan Yagona portal va kunning boshqa qiziqarli yangiliklari

25-noyabrning e’tiborga molik yangiliklari — “Daryo”ning kechki dayjestida.

1. O‘zbekistonda birinchi marta Respublika bosqichida “Robotlar jangi” musobaqasi o‘tkaziladi. Unda istalgan yosh va kasbdagi kishilar qatnashishi mumkin.

2. Yagona portalda endi elektron raqamli imzo talab qilinmaydi. Yagona portal orqali nafaqat ariza qoldirish, balki davlat organlari rahbarlari qabuliga ham yozilish mumkin.

3. Avstraliya razvedkasi IShIDning eng xavfli terrorchilaridan biri hibsga olinganini tasdiqladi. Melburnlik Nil Prakash yaqin vaqtlargacha Avstraliyada eng ko‘p qidirilgan terrorchilardan biri bo‘lib kelgan.

4. Luish Figuning Madriddagi uyidan qiymati 500 ming yevroga teng qimmatbaho buyumlar o‘g‘irlandi. Tunab ketilgan narsalar orasida 15 ta soat va zargarlik buyumlari bo‘lgan.

5. Britaniyalik erkak vazn tashlagani uchun million dollar yutib oldi. Uning vazni bir yarim oyda 115 kilogrammdan 103 kilogrammga tushdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.